საზოგადოება

როსტომ ჩხეიძეს წლის საუკეთესო დოკუმენტური პროზის ჯილდო გადაეცა

მწერალთა სახლში კულტურის სამინისტროსა და მწერალთა სახლის ერთობლივი ლიტერატურული პრემია „ლიტერას“ დაჯილდოება გაიმართა. სპეციალურმა ჟიურიმ, რომელსაც ლევან ბერძენიშვილი თავმჯდომარეობდა, გამარჯვებულები 5 ნომინაციაში გამოავლინა.

პრემიის ლაურეატებს ჯილდოები კულტურის მინისტრმა, მიხეილ გიორგაძემ და მწერალთა სახლის დირექტორმა, ნატა ლომოურმა გადასცეს.

წლევანდელი ლიტერატურული პრემია „ლიტერას“ გამარჯვებულები გახდნენ:

წლის საუკეთესო პოეტური კრებული - ვახტანგ ჯავახაძე, „ელეგია და სხვა“;

წლის საუკეთესო პროზაული კრებული/რომანი - არჩილ ქიქოძე, „სამხრეთული სპილო“;

წლის საუკეთესო დებიუტი - გიორგი შონია, ჰანს პრომველის „ფაბრიკაცია“;

დიზაინი – წლის საუკეთესო წიგნის გარეკანის (ყდის) - დენიელ კიზი, „ყვავილები ელჯერნონისთვის“; დიზაინი: ნატალია ავალიანი.

ნატა ლომოურის თქმით, „ლიტერას“ წელს ახალი ნომინაცია - „წლის საუკეთესო დოკუმენტური პროზა“ დაემატა, რომელიც როსტომ ჩხეიძეს ნაწარმოებისთვის - „პორტრეტი ოდისევსის სიჭაბუკისა“ ( კონსტანტინე გამსახურდიას ცხოვრების ქრონიკა) გადაეცა. აღნიშნული ნაწარმოები გამომცემლობა „ჩვენმა მწერლობამ“ გამოსცა.

„კულტურის სამინისტროსა და მწერალთა სახლის მიერ დაარსებულ ლიტერატურულ კონკურს „ლიტერაში“ გამარჯვებას ყველას ვულოცავ და შემდგომ წარმატებებს ვუსურვებ,“ - განაცხადა ჟურნალისტებთან საუბრისას კულტურის მინისტრმა.