პოლიტიკა

„როსპოტრებნადზორმა“ რუსეთში საქართველოდან 16 000 ლიტრზე მეტი მოცულობის ალკოჰოლური სასმელი არ დაუშვა

„როსპოტრებნადზორი“ საქართველოდან რუსეთის ტერიტორიაზე შემოსული ალკოჰოლური პროდუქციის ხარისხს ამოწმებს.

როგორც უწყების განცხადებაშია ნათქვამი, 2018 წლის პირველ ნახევარში გამოვლინდა „ალკოჰოლური პროდუქციის პარტიები“, რომლებიც არ შეესაბამება რუსეთის ფედერაციის ტექნიკურ რეგლამენტსა და მომხმარებელთა უფლებების დაცვის კუთხით არსებულ ქვეყნის კანონმდებლობას.

შესაბამისად, რუსეთში არ დაუშვეს ქართული ალკოჰოლური სასმელი, რომლის მოცულობა 16 000 ლიტრზე მეტს შეადგენს.

„როსპოტრებნადზორის“ ინფორმაციით, გამოშვებული პროდუქციის ხარისხის ანალიზმა მიუთითა წარმოების ტექნოლოგიის დარღვევასა და არასათანადო კონტროლზე.

უწყების ცნობით, რუსეთში შემოსული ალკოჰოლური პროდუქციის ხარისხის კონტროლი გამკაცრდება.