პოლიტიკა

რომ შეიცვლება „ქართული ოცნება“, მოიკიდებენ გუდებს ფარცხალაძეები და სხვები და წავლენ, ისევე არხეინად იცხოვრებენ, როგორც კეზერაშვილი - ალეკო ელისაშვილი

თბილისის მერობის ყოფილი კანდიდატის, ალეკო ელისაშვილის განცხადებით, მას სურს, კეთილსინდისიერი და ქვეყნისადმი გულანთებული ადამიანების გაერთიანება, რათა ქვეყანა არ დარჩეს „ფარცხალაძეების“ ხელში.

„ჩემი იარაღი მაშინაც და ახლაც არის დიდ ფულთან დიდი ფულით ჭიდაობა კი არა, არამედ როდესაც დასამალი არაფერი არ გაქვს, უკან მოსახედი არ გაქვს.

რომ შეიცვლება „ქართული ოცნება“, მოიკიდებენ გუდებს ფარცხალაძეები და სხვები და წავლენ და ისევე არხეინად იცხოვრებენ, როგორც კეზერაშვილი, კახა თარგამაძე და სხვები ცხოვრობენ. ეს გაუბედურებული ქვეყანა ცოდოა იმისთვის, რომ ასე იჯიჯგნებოდეს.

მინდა, კვალიფიციური, გულანთებული და კეთილსინდისიერი ხალხი შემოვიკრიბო. არის ასეთი ხალხი, მაგრამ წკიპზე არიან, რომ დაიხურონ ქუდი და წავიდნენ“, - აღნიშნა ელისაშვილმა.