პოლიტიკა

რომ ჰკითხო, დასავლური სტანდარტის პარტიაა, მაგრამ კიდევ ერთხელ ჩანს, რომ ბოლშევიკები არიან - დავით ჭიჭინაძე

პარტია „ქართული ოცნებიდან“ გარიცხულმა პარლამენტარმა დავით ჭიჭინაძემ ყველა იმ პირს, ვინც მისი გარიცხვის გადაწყვეტილება მიიღო, ბოლშევიკები და კომკავშირლები უწოდა.

„ის, რომ თურმე პარტიული დისციპლინა არსებობდა დღეს და ზოგადად განცხადებების გაკეთება, ამას კრძალავდნენ ბოლშევიკები. სულითა და გულით ბოლშევიკები, პატარა კომკავშირლები არიან. რომ ჰკითხო, დასავლური სტანდარტის პარტიაა და დასავლურად უყურებენ და დასავლური ღირებულებების მატარებლები არიან. კიდევ ერთხელ ჩანს, რომ ბოლშევიკები არიან. ტრამპის, მაკკეინისა და რესპუბლიკური პარტიის დაპირისპირებას შეხედავ, ხო, ახლა რა ქნას ტრამპმა, ვინც ცუდი რამე თქვა, ყველა გააგდოს? თუ ამომრჩეველი გამრიცხავს, ეს იქნება გარიცხვა, თორემ კობახიძე და მისნაირები, ბოლშევიკები თუ გამრიცხავენ, არა უშავს,"-განაცხადა ჭიჭინაძემ.

ჭიჭინაძემ ისევ გააკრიტიკა პარლამენტის თავმჯდომარე ირაკლი კობახიძე. დეპუტატმა კობახიძის მიერ გიორგი კვირიკაშვილის კრიტიკას შრომის უსაფრთხოების საკითხზე „შეუარაცხმყოფელი“ უწოდა და ყოფილი პრემიერის წინააღმდეგ ანგარიშსწორებად შეაფასა.

ჭიჭინაძის განცხადებით, ის „ქართული ოცნების“ ე.წ. გარიყული წევრების რიგებში რჩება.