პოლიტიკა

როგორც თქვენ არ გინახიათ ვანო მერაბიშვილი, ისე არ მინახავს ის, ცალ-ცალკე ვიყავით სამარტოო კამერაში - გიგი უგულავა

ნაციონალური მოძრაობას გამოყოფილი გუნდის წევრის, გიგი უგულავას განცხადებით, საუბრები იმაზე, რომ მათი გუნდი მცირერიცხოვანია - არაადეკვატურია.

ამის შესახებ უგულავამ ჟურნალისტების მიერ დასმული კითხვის საპასუხოდ განაცხადა, რომლის მიხედვით, ნაციონალურ მოძრაობაში დარჩენილი წევრები ამბობენ, რომ მათ მცირერიცხოვანი ჯგუფი გამოეყო.

„ვისაც სირაქლემასავით უნდა თავი ჩარგოს და იძახოს „მცირე ჯგუფი“- იძახოს. მე თუ მცირე ჯგუფი ვარ, ბაქრაძე თუ მცირე ჯგუფია და ასე შემდეგ, უბრალოდ არაადეკვატურია. და არაადეკვატურ ადამიანებთან მე კამათში არ შევალ“,-აღნიშნა პოლიტიკოსმა.

რაც შეეხება ციხეში მყოფ ვანო მერაბიშვილს, თუ რომელ გუნდს შეუერთდება იგი, გიგი უგულავა აღნიშნავს, რომ მერაბიშვილი თვალითაც არ უნახავას, შესაბამისად, არც მისი განწყობებია უგულავასთვის ცნობილი.

„ვანო მერაბიშვილი არის პოლიტპატიმარი, ის არის ჩემი მეგობარი, თანამებრძოლი. ვანო მერაბიშვილი თავის პოიზიციას თვითონ იტყვის. თქვენ არ გქონდეთ წარმოდგენა, რომ რახან ერთ ციხეში ვიჯექით, ერთმანეთთან რაიმე კომუნიკაცია გვქონდა. აი, როგორც თქვენ არ გინახიათ, ისე არ მინახავს ის, აბსოლუტურად ცალ-ცალკე ვიყავვით სამარტოო საკანში“,-განაცხადა გიგი უგულავამ.

მონიკა დავლიანიძე