პოლიტიკა

როგორც ქუხს, ისე არა წვიმს - ირაკლი სესიაშვილი

თავდაცვისა და უშიშროების საპარლამენტო კომიტეტის თავმჯდომარე ირაკლი სესიაშვილი გამოეხმაურა უთანხმოებას საპარლამენტო უმრავლესობაში. მისი თქმით, „როგორც ქუხს, ისე არ წვიმს“, ხოლო პარტიული დისციპლინა საერთაშორისოდ აპრობირებული მეთოდია.

„უპირველეს ყოვლისა, ვიტყვი, რომ „როგორც ქუხს, ისე არა წვიმს“. აზრთა სხვადასხვაობას ჩვენ არასდროს არ შევუშინდებით. განსხვავებული აზრების არსებობა მისასალმებელია. ამ შემთხვევაში ადგილი ჰქონდა ემოციურ ფონს და ამაშიც კატასტროფული არაფერია. პარტიული დისციპლინა საერთაშორისოდ მიღებული პრინციპია. ჩვენ ეთიკის ნორმებს შინაგანი რწმენით დავარეგულირებთ, თუ წესების ფორმაზე ჩამოვყალიბდებით, ამაშიც ვერავითარ პრობლემას ვერ ვხედავთ“, – უთხრა დეპუტატმა ჟურნალისტებს.

ინფორმაცია უმრავლესობაში არსებული დაპირისპირების შესახებ მას შემდეგ გაჩნდა, რაც გედევან ფოფხაძემ საზოგადოებრივი მაუწყებლის სამეურვეო საბჭოში ნინია კაკაბაძის არჩევის გამო მმართველი გუნდის დატოვების გადაწყვეტილება მიიღო.