კომენტარი

როგორ შეიძლება რაიმე შემოსავლის დამალვა, როდესაც ეს არის შემოწირულობა და არა პარტიის თანხა- გოჩა თევდორაძე

„პატრიოტთა ალიანსის“ ერთ-ერთი ლიდერის გოჩა თევდორაძის თქმით, „როგორ შეიძლება შემოსავლის დამალვა, როდესაც ის არის პარტიის შემოწირულობა და არა პარტიის თანხა“.

ამის შესახებ თევდორაძემ პარლამენტის თავმჯდომარის მიერ გაკეთებული შესაბამისი შინაარსის განცხადების კომენტირებისას აღნიშნა.

"როგორ შეიძლება რაიმე შემოსავლის დამალვა, როდესაც ეს არის შემოწირულობა და არა პარტიის თანხა. „ქართულ ოცნებას“ სწორედ ის ბიზნები ეხმარება, რომელსაც თავად ლობირებს, აძლევს ტენდერებს და სხვადასხვა შეღავათებს. ამიტომაც არის რეალურად ეს მაჩვენებლი. პარალელურად ბიზნესზე ხორციელდება ზეწოლა. იმ 13 მილიონიდან, რომელიც საქართველოში იხარჯება წინასაარჩევნოდ, თითქმის სრულად „ქართული ოცნება“ ფლობს. სხვა პოლიტიკური პარტიები არჩევნებს ფაქტობრივად თანხების გარეშე ატარებენ. 13 მილიონიდან 11 რომ ერთ პოლიტიკურ ძალას აქვს და დანარჩენს მხოლოდ ერთი მილიონი, ეს ნიშნავს, რომ ფულს მხოლოდ „ოცნება“ ხარჯავს“,- განუცხადა „პირველ რადიოს“ გოჩა თევდორაძემ.

ირაკლი კობახიძე აუდიტის სამსახურის მიერ პარტიების წინასაარჩევნოდ მიღებულ შემოწირულობებთან დაკავშირებით გამოქვეყნებულ შუალედურ ანგარიშს გამოეხმაურა, რომლის მიხედვით, „ქართულ ოცნებას“ წინასაარჩევნოდ ყველაზე დიდი შემოწირულობა აქვს მიღებული.

კობახიძის თქმით, „სამწუხარო რეალობა ის არის, რომ ოპოზიციური პარტიები და ასევე დამოუკიდებელი კანდიდატები არ ახდენენ საკუთარი შემოსავლების და ხარჯების დეკლარირებას და სწორედ ეს არის დიდი სხვაობის მიზეზი“.

მონიკა დავლიანიძე