სამართალი

როგორ შეიძლება პრეზიდენტი გაასამართლო მისთვის მინიჭებული უფლების გამო, რომ მან შეიწყალა გარკვეული პირები - მიხეილ სააკაშვილის ადვოკატი

თბილისის საქალაქო სასამართლო საქართველოს ყოფილი პრეზიდენტის, მიხეილ სააკაშვილის საქმეს განიხილავს.

როგორც სახაზინო წესით დანიშნულმა ადვოკატმა, სოფო გოგლიჩიძემ განაცხადა, არ არსებობს არანაირი მტკიცებულება, რომელიც მიხეილ სააკაშვილის ბრალეულობას დაადასტურებს.

„ჩემს მიერ უკვე სრულყოფილად არის შესწავლილი საქმის მასალები და დღეს უკვე თამამად შემიძლია ვთქვა, რომ საქმეში არ არსებობს ერთი მტკიცებულებაც კი. ის, რაც ბრალდების მხარეს სასამართლოში შემოტანილი აქვს მტკიცებულებები, თითქმის ყველა მოწმის ჩვენება არის ირიბი. როგორ შეიძლება პრეზიდენტი გაასამართლო მისთვის მინიჭებული უფლების გამო, რომ მან შეიწყალა გარკვეული პირები მაშინ, როდესაც ამის სრული უფლება ჰქონდა. ანუ, შეუძლებელია ამის გამო გასამართლდეს პრეზიდენტი,“ - განაცხადა სოფო გოგლიჩიძემ.

ცნობისათვის, სასამართლო სააკაშვილს სანდრო გირგვლიანის საქმეზე დაკავებული პირების შეწყალებას ედავება.

დღევანდელ პროცესზე ადვოკატები დასკვნით სიტყვას წარმოთქვამენ.