პოლიტიკა

როდესაც ვარშალომიძე ზარზეიმით სარფიდან ბათუმში შევიდა, გასაგები იყო, რომ ნაცმოძრაობის „ოცნებასთან“ ალიანსი ჰქონდა - ავთანდილ დავითაძე

„ეროვნული ფორუმის“ პოლიტსაბჭოს წევრის, ბათუმის მაჟორიტარობის კანდიდატის ავთანდილ დავითაძეს განცხადებით, როდესაც ლევან ვარშალომიძე სარფიდან ბათუმში შევიდა, გასაგები იყო, რომ ნაციონალური მოძრაობის „ქართულ ოცნებასთან“ ალიანსი ჰქონდა.

ამის შესახებ დავითაძემ პრესკონფერენციაზე განაცხადა.

მაჟორიტარობის კანდიდატი არჩევნების გაყალბებაზე საუბრობს, და აღნიშნავას, რომ მხოლოდ ბათუმის 69-ე საარჩევნო უბანზე 400 ხმა არის გაბათილებული.

„მარტო ერთ საარჩევნო უბანზე, გაბათილებულია 100 ხმა პროპორციულში, 100 ხმა მაჟორიტარულში, 100 ხმა აჭარის უმაღლეს საჭოს პროპორციულში და ასევე ჭარის მაჟორიტარულში კიდევ 100 ხმა. რა არჩევნებზე და შედეგებზე უნდა ვისაუბროთ? ეს ხდება ბათუმის 69-ე ოლქში, სადაც 400 ხმა არის გაბათილებული, მარტო ერთ უბანში“,-აღნიშნა დავითაძემ.

მისი თქმით, აღარ არის 2012 წელი როდესაც ყველას ერთი მიზანი ამოძრავებდა, დამნაშავე ხელისუფლება შეცვლილიყო.

„დღეს მმართველი პარტია არანაკლები დამნაშავეა. მე ვთქვი და ვიმეორებ, როდესაც ადამიანებს აშინებ, როდესაც მოისყიდი, როდესაც დაემუქრები სამსახურიდან გათავისუფლებაზე, სოციალური დახმარების მოხსნით და ასე მოიგებ არჩევნებს ეს არანაკლები დანაშულია. დიახ, ეს არ არის გამოგონილი, „ეროვნულ ფორუმის“ ამომრჩევლებს თუ მხარდამჭერებს აქვს ასეთი ფაქტები და თუ ვინმეს აინტერესებს აუცილებლად მოხდება ამ ფაქტების გასაჯაროვება. ეს ფაქტები იხილავს დღის სინათლეს.

როდესაც, ლევან ვარშალომიძე სარფიდან ზარზეიმით შემოვიდა ბათუმში, მერე მისი უზარმაზარი ბანერი წარწერით, „ლევან ვარშალომიძე, აჭარის მთავრობის თავმჯდომარედ“ გაიკრა ქალაქის შემოსასვლელთან, უკვე ცხადი იყო რომ ნაცმოძრაობა „ოცნებასთან“ შეთახმებით იმუშავებდა“, - განაცხადა ეროვნული ფორუმის ბათუმის მაჟორიტარი დეპუტატობის კანდიდატმა.

მონიკა დავლიანიძე