პოლიტიკა

როდესაც არაა მაკონტროლებელი და დამაბალანსებელი, ნებისმიერი პოლიტიკური ძალისთვის ძნელი პერიოდი დგება – გიორგი მარგველაშვილი

საქართველოს პრეზიენტის აზრით, როდესაც არაა მაკონტროლებელი და დამაბალანსებელი, ნებისმიერი პოლიტიკური ძალისთვის ძნელი პერიოდი დგება.

გიორგი მარგველაშვილის თქმით, მას არ სურს, რომ „ქართულმა ოცნებამ“ ამ რთულ გზაზე დაიწყოს სვლა.

ამის შესახებ გიორგი მარგველაშვილმა ტელეკომპანია „მაესტროს“ ეთერში განაცხადა.

„ყველა ღირსეულ პოლიტიკოსს სჭირდება დამაბალანსებელი. ამას მე არ ვლაპარაკობ „ქართული ოცნების“ გასაგებად, ისინი პოლიტიკური ძალა არიან და ცდილობენ რაც შეიძლება ძლიერები იყვნენ. თუ არ არის დამაბალანსებელი, ნებისმიერი პოლიტიკური ძალისთვის ძალიან ძნელი პერიოდი დგება. ასეთი ძნელი პერიოდი დამდგარა „მოქალაქეთა კავშირისთვის“, „ნაციონალური მოძრაობისთვის“. მე არ მინდა, რომ ხელისუფლების კონსოლიდაციით და საკუთარი საძლიერით აღფრთოვანებულმა „ქართულმა ოცნებამ“ ამ რთულ გზაზე დაიწყოს სვლა“, – აღნიშნა პრეზიდენტმა.

მონიკა დავლიანიძე