პოლიტიკა

რესპუბლიკური პარტია პრემიერის მიერ გაცხადებულ პიარ აქციაში მონაწილეობის მიღებას არ აპირებს - ხათუნა სამნიძე

რესპუბლიკური პარტიის თავმჯდომარის, ხათუნა სამნიძის განცხადებით,პარტია არ გეგმავს პრემიერის მიერ გაცხადებულ პიარ აქციაში მონაწილეობის მიღებას.

ამის შესახემ სამნიძემ გიორგი კვირიკაშვილის ინიციატივის კომენტირებისას განაცხადა, რომლის მიხედვით, შეიქმნება საკონსტიტუციო ცვლილებებზე მომუშავე სამუშაო ჯგუფი.

„რესპუბლიკური პარტია არ გეგმავს, რომ ამ ტიპის პიარ აქციაში, პრემიერისგან გაცხადებულ ინიციატივაში, მიიღოს მონაწილეობა. შექმნილი ვითარება არ მაძლევს არანაირ საფუძველს ვიფიქრო, რომ „ქართული ოცნება“, ეს პოლიტიკური გუნდი მზად არის ფართო, პოლიტიკური კონსენსუსისთვის“,-აღნიშნა სამნიძემ.

მისი თქმით, მმართველი გუნდი გახარებულია იმით, რომ აქვს საკონსტიტუციო უმრავლესობა.

„ამ პოზიციიდან ლაპარაკი ფართო კონსენსუსზე და ჯგუფის შექმნაზე, რომლის ფორმატიც საერთოდ გაუგებარია და მასზე არაფერი არ ვიცით, რესპუბლიკური პარტია არ გეგმავს ამაში მიიღოს მონაწილოება“,-განაცხადა სამნიძემ.

მონიკა დავლიანიძე