სამართალი

რეპერების საქმემ ძალიან ბევრი სისტემური პრობლემა წარმოაჩინა - ანა ნაცვლიშვილი

ახალგაზრდა იურისტთა ასოციაციის თავმჯდომარის ანა ნაცვლიშვილის განცხადებით, „ბირჟა მაფიას“ წევრების საქმემ, ბევრი სისტემური პრობლემა წარმოაჩინა.

როგორც საკითხის კომენტირებისა ნაცვლიშვილმა მედიასთან საუბარში აღნიშნა, ასეთ ხარვებზეს შორის არის, სამართალდამცავების თვითნებობა და უკანონო მოქმედებები, ასევე დაუსჯელობის განცდა, და სამართალდამცავების მოქმედებებზე სასამართლოს ეფექტური კონტროლი არ და ვერ ხორციელდება.

„სიტყვის თავისუფლება არ გულისხმობს, რომ სასიამოვნო მესიჯები იყოს გაჟღერებული. რეპერების საქმემ ძალიან ბევრი სისტემური პრობლემა წარმოაჩინა, რომელიც ამ ქვეყანაში არსებობს, დაწყებული სამართალდამცავების თვითნებობით და უკანონო მოქმედებებით, გაგრძელებული იმით, რომ მათ დაუსჯელობის განცდა აქვთ ასეთი მოქმედებების გამო და გაგრძელებული იმით, რომ სამართალდამცავების მოქმედებებზე სასამართლოს ეფექტური კონტროლი არ და ვერ ხორციელდება“,-აღნიშნა ნაცვლიშვილმა.

მისი თქმით, „მოქმედი ნარკოპოლიტიკა არის არაგონივრულად რეპრესიული, მას არ აქვს ჰუმანური სახე და სამწუხაროდ, ამ ტიპის ნარკოპოლიტიკა ვერ უზრუნველყოფს ლეგიტიმური მიზნის მიღწევას“.

მონიკა დავლიანიძე