პოლიტიკა

რაზე გვთავაზობენ კონსენსუს, რომ წერტილ-მძიმე ჩავამატოთ სადმე მიღებულ კონსტიტუციაში?!- დავით ბაქრაძე

„ევროპული საქართველოს“ ლიდერი დავით ბაქრაძე, პრემიერ-მინისტრის წინადადებას გამოეხმაურა, რომლის მიხედვით, უმრავლესობა მზად არის საკონსტიტუციო რეფორმასთან დაკავშირებით, გარკვეულ კომპრომისზე წავიდეს.

როგორც დავით ბაქრაძემ აღნიშნა, ახლა როდესაც საკონსტიტუციო რეფორმის მეორე მოსმენა უკვე გაიმართა, რაიმეს შეცვლის შესაძლებლობა აღარ არის, რადგან მესამე მოსმენა რედაქციულ ხასიათს ატარებს.

„მესამე მოსმენა არის რედაქციული, ანუ რაზე გვთავაზობენ კონსენსუს, რომ წერტილ-მძიმე ჩავამატოთ სადმე მიღებულ კონსტიტუციაში?!“,-აღნიშნა პოლიტიკოსმა.

ამასთან, მისივე თქმით, ოპოზიციურ პარტიებს კონსულტაციებათან დაკავშირებით კონკრეტული წინადადება არ მიუღიათ.

დავით ბაქარაძე ამბობს, რომ თუ ხელისუფლება ნამდვილად არის კონსულტაციებისთვის მზად, მაშინ მან კონსტიტუციის პროექტი მეორე მოსმენაზე უნდა დააბრუნოს.

„არანაირი კონკრეტული შეთავაზება ამ კონსულტაციებზე არ მოგვისმენია და ასეთი კონკრეტული შეთავაზება არ მიგვიღია. ტესტი ხელისუფლების მზადყოფნის, მინიმალური ტესტი იქნება, რომ განაცხადონ, მზად არიან კონსტიტუცია დააბრუნონ მეორე მოსმენაზე“,-აღნიშნა ბაქრაძემ.

მონიკა დავლიანიძე