პოლიტიკა

რაც მოხდა სანდრო გირგვლიანის წინააღმდეგ, იყო ხელისუფლების ძალიან დიდი დანაშაული - ირაკლი კობახიძე

„სანდრო გირგვლიანის შეთქმულებისთვის ხელის დაფარება არ არგებს არავის“, - ასე უპასუხა საქართველოს პარლამენტის თავმჯდომარემ, ირაკლი კობახიძემ ჟურნალისტებს კითხვაზე, არის თუ არა ფრაქცია „ქართული ოცნების“ მიერ ინიცირებული ე.წ. გირგვლიანის შესწორებები მიმართული პრეზიდენტის შეწყალების უფლების წინააღმდეგ.

„მე ცოტა ხნის წინ ვუსმინე მიხეილ სააკაშვილის გამოსვლას. ეს გამოსვლა დაემთხვა (თუ როგორ იყო, არ ვიცი), გირგვლიანის მკვლელობის 12 წლისთავს. მან ძალიან ამაყად ისაუბრა იმის თაობაზე, რომ ის არის მართალი ამ საქმეში. ამის წაქეზება დაემთხვა იმ ყველაფერს, რაც მანამდე ვიხილეთ, როდესაც საუბარი იყო შეწყალების გამო მიხეილ სააკაშვილის დასჯის დაუშვებლობაზე.

ის, რაც მოხდა სანდრო გირგვლიანის წინააღმდეგ, იყო ხელისუფლების ძალიან დიდი დანაშაული. ეს იყო შეთქმულება ერთი ადამიანის წინააღმდეგ და ამ შეთქმულებისთვის ხელის დაფარება არ არგებს არავის“, -თქვა კობახიძემ.

გუშინ უმრავლესობის წევრმა მამუკა მდინარაძემ წარადგინა ინიციატივა, რომელიც „გირგვლიანის შესწორებები“ შეარქვეს. ინიციატივა გულისხმობს სისხლის სამართლის კოდექსში ცვლილებების შეტანას, რომლის მიხედვით მაღალი თანამდებობის პირები, ვინც მართლმსაჯულების განხორციელებას ხელს შეუშლის, უფრო მკაცრად დაისჯებიან.