პოლიტიკა

რაც მეტი ფრაქცია ექნება პარლამენტში „ქართულ ოცნებას“, მით უკეთესია პოზიციების გასამყარებლად - თემურ ჭკუასელი

,,ქართული ოცნების“ წევრის თემურ ჭკუასელის ინფორმაციით, პარლამენტში „ქართული ოცნების“ რამდენიმე ფრაქცია შეიქმნება. ამის შესახებ ჭკუასელმა დღეს გამართულ პრესკონფერენციაზე განაცხადა და აღნიშნა, რომ ფრაქციების შექმნა აუცილებელია პოზიციების გასამყარებლად.

,,რაც მეტი ფრაქცია ექნება „ქართულ ოცნებას,“ მით უკეთესია პოზიციების გასამყარებლად, რადგან მეტი ფრაქცია მეტ გამომსვლელს ნიშნავს პარლამენტში. არიან „ქართულ ოცნებაში“ კონსერვატორები, „მწვანეთა მოძრაობის“ წევრიც, ამიტომ ფრაქციის შექმნა არ იქნება პრობლემა და ვფიქრობ, რომ აუცილებელიცაა“, -განაცხადა თემურ ჭკუასელმა.

ამასთან, თემურ ჭკუასელის თქმით, პარლამენტში ძველი სახეები ახალმა თაობამ უნდა ჩაანაცვლოს.

,,დროა ეს ძველი სახეები ახალმა თაობამ შეცვალოს. გუნდმა და პარტიამ ასე გადაწყვიტა, ამ ახალგაზრდებს, ვინც დღეს „ქართულ ოცნებაში“ არიან, ყველას განათლება უცხოეთში აქვთ მიღებული. დროა, ახალმა თაობამ თავისი სიტყვა თქვას“, - აღნიშნა ჭკუასელმა.

მარი ნამგალაძე