პოლიტიკა

რაც მეტ სიმართლის მთქმელ ადამიანს გაუშვებს გუნდიდან, მეტად დაიმძიმებს სიტუაციას - დავით ჭიჭინაძე

ფრაქცია „პატრიოტების“ წევრმა, დავით ჭიჭინაძემ „ქართულ ოცნებაში“ არსებულ დაპირისპირებაზე საუბრისას განაცხადა, რომ თუკი ბიძინა ივანიშვილი გუნდიდან „სიმართლის მთქმელ“ ადამიანებს გაუშვებს, მით უფრო დამძიმდება მისი სიტუაცია.

ჭიჭინაძემ ასევე არ გამორიცხა, რომ იმ შემთხვევაში, თუკი მმართველი გუნდი მხარს დაუჭერს მოსამართლეთა 10-კაციან სიას, ქვეყანაში საპროტეტსო აქციები დაიწყოს.

„ეკა ბესელიას არ დაუწყია ეს დაპირისპირება და გავახსენებთ ახლა. როცა რაღაცას ვიხსენებთ, უნდა გავიხსენოთ ყველაფერი. ჩემი დაპირისპირებაც ზუსტად იმასთან დაკავშირებით იყო, რომ ეს გუნდი თავის დროზე დაუპირისპირდა ჯერ ბესელიას, შემდეგ კვირიკაშვილს. ამიტომ ამ ადამიანებისგან თუ შეიძლება დაპირისპირება, ე.ი. ბიძინა ივანიშვილისგან ყოფილა შიგნით გუნდში დაპირისპირების წახალისება.

რაც მეტ სიმართლის მთქმელ ადამიანს გაუშვებს გუნდიდან, მეტად დაიმძიმებს სიტუაციას, იმიტომ რომ არჩევნების მეორე ტურის წინ მაგ ადამიანს არ უთქვამს, რომ კობახიძე მეყოლება ფლაგმანად, მურუსიძე და ჩინჩალაძეო... დაპირებებს ზოგადად უნდა გაანალიზება. ხალხმა რისი გულისთვის დაუჭირა მხარი, ამ გადაწყვეტილების გულისთვის ნამდვილად არ დაუჭირა. რომ შემოვა და თუ არ იქნება გასწორებული ეს სია, ალბათ, იქნება ძალიან სერიოზული საპროტესტო ტალღა ამასთან დაკავშირებით“, - განაცხადა ჭიჭინაძემ.