პოლიტიკა

რატომ უნდა გითხრათ ქუჩაში ჩემი გეგმების შესახებ? დავალაგებ და გეტყვით - სალომე ზურაბიშვილი ჟურნალისტებს თავს არიდებს

მმართველი გუნდის მიერ მხარდაჭერილმა საპრეზიდენტო კანდიდატმა, სალომე ზურაბიშვილმა „ქართული ოცნების“ ცენტრალური ოფისი დატოვა. ის ისევ არიდებდა თავს ჟურნალისტების შეკითხვებს.

„რატომ უნდა გითხრათ ქუჩაში ჩემი გეგმების შესახებ? დავალაგებ და გეტყვით“, - ასე უპასუხა ზურაბიშვილმა ჟურნალისტებს.

ჟურნალისტებმა ზურაბიშვილს ჰკითხეს, აპირებს თუ არა ამომრჩეველთან შეხვედრას, რაზეც კანდიდატმა აღნიშნა, რომ ამომრჩეველთან „თავისი ახსნები" ექნება.

„ჩემს ამომრჩეველთან მექნება პირდაპირი ჩემი ახსნები", - განაცხადა ზურაბიშვილმა.

არჩევნებთან დაკავშირებით დასმულ კითხვაზე ზურაბიშვილმა თქვა, რომ „გამარჯვება მეორე ტურში იქნება“.

ცნობისთვის, 28 ოქტომბრის არჩევნების შემდეგ სალომე ზურაბიშვილს ჟურნალისტებთან კონტაქტი არ სურდა და შეკითხვებზე არ პასუხობდა. პირველი ოფიციალური განცხადება კი მან გუშინ საღამოს გააკეთა. ზურაბიშვილის თქმით, ის აგრძელებს ბრძოლას პრეზიდენტობისთვის.