სამართალი

რატი გაჩეჩილაძეს ბრალი ოფიციალურად წაუყენეს

რუსთავი 2-ის გენერალურ დირექტორზე, ნიკა გვრამიაზე განხორციელებული თავდასხმის ფაქტზე დაკავებულ რატი გაჩეჩილაძეს ბრალი წაუყენეს.

როგორც ჟურნალისტებს გაჩეჩილაძის ადვოკატმა განუცხადა, დაკავებული გვარამიაზე თავდასხმას აღიარებს და ამბობს, რომ ინციდენტში მისი მეგობრები არ მონაწილეობდნენ.

,,ბრალდებულს წაუყენეს უკვე ბრალი სიხლის სამართლის კოდექსის 126-ე მუხლის პირველი ნაწილით. აღიარა ჩადენილი დანაშაული და დეტალურად მისცა ჩვენება გამოძიებას და აღწერა ყველა ის ნიუანსი, რომელიც იმ დროს მოხდა. საქმეში სხვა პირი არ ფიგურირებს და არ იკვეთება ბრალეულობა სხვა პირების, იმიტომ რომ არც ერთი არ მონაწილეობდა. აღნიშნულს ადასტურებს საქმეში არსებული ჩვენებები, რომელიც მისცეს სუფრის წევრებმა”, - განაცხადა ლილი გელაშვილმა.

ცნობისათვის: ნიკა გვარამიაზე თავდასხმის ფაქტზე გამოძიება 126-ე მუხლის პირველი ნაწილით მიმდინარეობს, რაც ცემას ან სხვაგვარ ძალადობას გულისხმობს.

ნინო ექვთიმიშვილი