პოლიტიკა

რამდენადაც ვიცი, ივანიშვილი ხვდებოდა ომეგა ჯგუფის დამფუძნებლებს, ყველაფერი აღმოჩნდა სიმართლე - მიხეილ სააკაშვილი

საქართველოს ყოფილი პრეზიდენტი მიხეილ სააკაშვილი „იბერია ტვ“-სა და „ომეგა ჯგუფის“ გარშემო შექმნილ სიტუაციას გამოეხმაურა. მისი თქმით, ის იცოდა, რომ ბიძინა ივანიშვილი „ომეგა ჯგუფის“ დამფუძნებლებს შეხვდა.

„ნახეთ „ომეგას“ ისტორია, რა ისტორიაა. ყველაფერი , რაზეც ვლაპარაკობდით, რომ ივანიშვილი პირადად , თავისი ნათესავების მეშვეობით, სძალავს ფულს ბიზნესმენებს, პირადად, უჩას [მამაცაშვილი] მეშვეობითაც, რამდენადაც ვიცი, ის ხვდებოდა ომეგა ჯგუფის დამფუძნებლებს. ყველაფერი აღმოჩნდა სიმართლე. ქართველი ერის გაღატაკების ხარჯზე ხდება კორუფციით ფანტასტიკური გამდიდრება“, -თქვა სააკაშვილმა.

ცნობისთვის, რუსთავი 2-მა 14 სექტემბერს „იბერიას“ საქმეზე მორიგი ფარული აუდიოჩანაწერი გააავრცელა, რომლის მიხედვით, სავარაუდოდ, ლევან ყიფიანი და „ომეგა ჯგუფის“ მფლობელი ზაზა ოქუაშვილი საუბრობენ. აუდიოჩანაწერში საუბარია სამ მილიონზე, რომლიდანაც ნაწილი ბიუჯეტში უნდა შეიტანონ, ნაწილი კი კონტრიბუციის სახით უნდა გადაიხადოს „ომეგა ჯგუფმა“.