პოლიტიკა

რა გადაწყვეტილებას მიიღებს უკრაინული მხარე სააკაშვილის ექსტრადიციის შესახებ, არაა ჩემი ინტერესის საგანი - თეა წულუკიანი

იუსტიციის მინისტრის, თეა წულუკიანის განცხადებით, უკრაინაში უკვე გაგზავნილია მოთხოვნა საქართველოს ექს-პრეზიდენტის, მიხეილ სააკაშვილის გადაცემის თაობაზე.

წულუკიანმა აღნიშნა, რომ თუ რა გადაწყვეტილებას მიიღებს უკრაინული მხარე, მისი ინტერესის საგანი არაა.

„უკრაინა გახლავთ სუვერენული სახელმწიფო. ჩვენ გაგზავნილი გვაქვს ექსტრადიციის შესახებ მოთხოვნა, დოკუმენტები და ის, თუ რა გადაწყვეტილებას მიიღებენ ისინი, რას ემსახურება დღევანდელი დაკითხვა, მე ამის შესახებ ინფორმაციას არ ვფლობ, არ მომიძიებია, რადგან ეს არ არის ჩემი ინტერესის საგანი. ჩემი ინტერესის საგანი არის, რომ მოთხოვნა გაგზავნილია, დამოუკიდებელმა, სუვერენულმა სახელმწიფომ, უკრაინამ უნდა მიიღოს გადაწყვეტილება და ამ გადაწყვეტილების მიღებაზე გარეშე ძალები, მითუმეტეს სხვა სახელმწიფოები, რა თქმა უნდა, გავლენას ვერ მოახდენენ”, – თქვა იუსტიციის მინისტრმა.