პოლიტიკა

ქვეყანაში უსამართლობის განცდას სიღარიბე რომ ემატება, მთავრობა უნდა გადადგეს - დავით ჭიჭინაძე

აპარლამენტო უმრავლესობის წევრმა დავით ჭიჭინაძემ მთავრობის გადადგომა მოითხოვა. მისი თქმით, უმრავლესობის გუშინდელ სხდომაზე „იუნისეფის“ კვლევის განხილვა არასერიოზულად მიიღეს, მიუხედავად იმისა, რომ კვლევა ქვეყანაში შექმნილ მძიმე სიტუაციაზე ამახვილებს ყურადღებას.

„ქვეყანაში უსამართლობის განცდას სიღარიბე რომ ემატება, მთავრობა უნდა გადადგეს, ეს საკითხია დღის წესრიგში დასაყენებელი“, – განაცხადა დეპუტატმა.

გაერო-ს ბავშვთა ფონდმა საქართველოში მოსახლეობის კეთილდღეობის კვლევა ჩაატარა, რომლის თანახმად, საქართველოს მოსახლეობის 5.0% უკიდურესი სიღარიბის ზღვარს ქვემოთ ცხოვრობს. აქედან ბავშვების 6.8% და პენსიონერების 3.7%. 2015 წლიდან 2017 წლამდე პერიოდში უკიდურესი სიღარიბის ზღვარს ქვემოთ მყოფი მოსახლეობის - ბავშვებისა და პენსიონერების რაოდენობა, შესაბამისად, 2.9, 4.3, და 2.0 პროცენტული პუნქტით გაიზარდა.