მსოფლიო

ქურთებმა უნდა გააუქმონ რეფერენდუმის შედეგები, სხვა შეთავაზებას არ მივიღებთ - ერაყის პრემიერ-მინისტრი

ერაყის პრემიერ-მინისტრმა ჰაიდერ ალ-აბადიმ უარყო ადგილობრივი ქურთების შეთავაზება დამოუკიდებლობის შესახებ ჩატარებული რეფერენდუმის შედეგების „გაყინვისა“ და მოლაპარაკებების დაწყების შესახებ.

ქვეყნის პრემიერის თქმით, მისთვის მისაღებია მხოლოდ რეფერენდუმის შედეგების გაუქმება.

„არაფერს არ მივიღებთ [რეფერენდუმის] გაუქმებისა და კონსტიტუციის პატივისცემის გარდა“, - განაცხადა ალ-აბადიმ.

ცენტრალურმა ხელისუფლებამ უკანონოდ გამოაცხადა 25 სექტემბერს ჩატარებული რეფერენდუმის შედეგები, სადაც ქურთების 92.73%-მა მხარი დაუჭირა ერაყული ქურთისტანის დამოუკიდებლობას.

რეფერენდუმზე საპასუხოდ ალ-აბადიმ უბრძანა ერაყის ჯარს, დაიბრუნოს ქურთების მიერ დაკავებული სადავო ტერიტორიები. აღნიშნულ ოპერაციას მოჰყვა შეტაკება, რომლის შედეგად ათობით ადამიანი დაიღუპა, ბევრი კი დაშავდა.

სამშაბათ ღამით ქურთისტანის რეგიონალურმა მთავრობამ ცეცხლის შეწყვეტის შესახებ გამოაცხადა სისხლისზღვრის თავიდან ასაცილებლად. მაშინ ქურთების მთავრობამ განაცხადა, რომ ემზადება შედეგების გაყინვისთვის და ბაღდადთან ღია დიალოგის დასაწყებად.

ანა მებურიშვილი