მსოფლიო

ერაყელ ქურთთა 92.73%-მა რეგიონის დამოუკიდებლობას მხარი დაუჭირა

ერაყული ქურთისტანის მოსახლეობის 92.73%-მა მხარი დაუჭირა ავტონომიური ოლქის დამოუკიდებლობას. ამის შესახებ ადგილობრივმა საარჩევნო კომისიამ ოთხშაბათს გამოაცხადა.

25 სექტემბერს გამართულ რეფერენდუმში 3.3 მილიონამდე ადამიანმა მიიღო მონაწილეობა. მისი მთავარი კითხვა იყო „ემხრობით თუ არა, რომ ქურთისტანის რეგიონი და ქურთისტანის ტერიტორიები ადმინისტრაციის კონტროლს გარეთ გახდეს დამოუკიდებელი სახელმწიფო?“.

დაითვალა დიასპორისგან მიღებული ელექტრონული ხმები.

კომისიის თავმჯდომარემ, ჰანდრენ მოჰამედმა განაცხადა, რომ პროცესმა წარმატებულად ჩაიარა. მისივე თქმით, ამას ადასტურებენ საერთაშორისო დამკვირვებლებიც.

მოჰამედის ინფორმაციით, შედეგებს საბოლოოდ დაამტკიცებს ქურთისტანის სააპელაციო სასამართლო.

რეგიონის ცენტრალური ტელეარხი „Rudaw“-ის ინფორმაციით, ამომრჩეველთა აქტივობამ უშუალოდ ქურთისტანსა და მის დაქვემდებარებულ ტერიტორიებზე 72% შეადგინა.

ანა მებურიშვილი