პოლიტიკა

ქუჩაში როდესაც დავდივარ მოსახლეობა ძალიან ბევრი მადლობით მხვდება - რიმა ბერაძე

თბილისის საკრებულოს ფრაქცია „ქართული ოცნების“ თავმჯდომარე, ჩუღურეთის რაიონის მაჟორიტარი დეპუტატობის კანდიდატის, ირმა ბერაძის თქმით, იმ პრობლემების მოგვარების გამო, რომელიც წლების განმავლობაში ჩუღურეთის რაიონში არსებობდა, მას მოსახლეობა მადლობის სიტყვებით ხვდება.

როგორც ირმა ბერაძემ პრესკონფერენციაზე აღნიშნა, მოსახლეობის ასეთი დამოკიდებულება აძლევს მას ძალას კიდევ უფრო მეტი გააკეთოს მათთვის.

„ძალიან ბევრი რამ გავაკეთე გუნდთან ერთად. მაქვს დოკუმენტი სადაც წერია, რომ 42 მიმართულებით იქნა სხვადსხვა პრობლემები მოგვარებული. მათ შორის, ეს იყო ინფრასტრუქტურის მოწესრიგება, გზების, 270 ქუჩიდან -135 ქუჩა არის მოწესრიგებული. ასევე მნიშვნელოვანი იყო დანგრეული სახლების აღდგენა-განახლება, რეაბილიტაცია, სკვერებისა და ბაღების მოწესრიგება. ჩვენ ეს შევძელით, მიუხედავად იმისა, პრობლემები რა თქმა უნდა რჩება.

დღეს, როდესაც მე საარჩევნო კამპანია მაქვს დაწყებული, ძალიან ბედნიერი ვარ, რომ ქუჩაში როდესაც დავდივარ და მოსახლეობას ვხვდები, ისინი ძალიან ბევრი მადლობით მხვდებიან. და მე ეს ძალას და ენერგიას მაძლევს, რომ შეუძლებელი გავაკეთო. ძალიან დიდია ის სიყვარული, რომელსაც ვგრძნობ თითოეული მათგანისაგან“,-აღნიშნა მაჟორიტარობის კანდიდატმა.

მისივე თქმით, ჩუღურეთის რაიონში მისი კონკურენტი მხოლოდ ის პრობლემებია, რაც იქ არსებობს, სხვა კონკურენტი მას არ ჰყავს.

მონიკა დავლიანიძე