პოლიტიკა

„ქართულმა ოცნებამ“ მოგვატყუა და დღეს ჩვენ მას ვეუბნებით,რომ უკან წაიღოს ეს ტყუილი- ირმა ინაშვილი

პარლამენტის ვიცე-სპიკერის, ფრაქცია „საქართველოს პატრიოტების“ წევრის ირმა ინაშვილის განცხადებით,“ქართულმა ოცნებამ“ საზოგადოება მოატყუა, როდესაც აანონსებდა რომ მეცხრე მოწვევის პარლამენტი მაჟორიტარულ სისტემაზე გადასვლის საკითხს განიხილავდა.

ამის შესახებ ინაშვილმა ფრაქციის სხვა წევრებთან ერთად, პარლამენტის შენობაში გამართული ბრიფინგის დროს განაცხადა.

„ჩვენ მომხრე ვართ იმისა, რომ საკითხის განხილვა მოხდეს პარლამენტში. „ქართულმა ოცნებამ“ მოგვატყუა ჩვენ. მან არ გააუქმა მაჟორიტარული სისტემა და დღეს ჩვენ მას ვეუბნებით, უკან წაიღოს ეს ტყუილი და დღის წესრიგში განსახილველ საკითხთა შორის დააყენოს ეს საკითხი და ვუყაროთ კენჭი. საზოგადოებამ დაინახოს უბრალოდ, ვინ უჭერს მხარს მაჟორიტარული სისტემის გაუქმებას და ვინ არა“,-განაცხადა ინაშვილმა.

მონიკა დავლიანიძე