პოლიტიკა

„ქართულმა ოცნებამ“ ადგილობრივი ხელისუფლების მთელი ვერტიკალი ჩართო ახმედ იმამკულიევის წინააღმდეგ ბრძოლაში- გიგი უგულავა

„ევროპული საქართველოს“ განცხადებით, „ქართული ოცნება“ მარნეულში ახმედ იმამკულიევის წინააღმდეგ იბრძვის.

როგორც პარტიის ერთ-ერთმა ლიდერმა გიგი უგულავამ ბრიფინგზე აღნიშნა, ახმედ იმამკულიევმა მარნეულში ორჯერ გაიმარჯვა, მაგრამ ეს გამარჯვება უსინდისოდ, ძალადობით წაართვა მას „ქართულმა ოცნებამ“.

„ქართულმა ოცნებამ“ მთელი ვერტიკალი ადგილობრივი ხელისუფლების, „ტიტუშკების“, ძალოვნების, ჩართო ახმედ იმამკულიევის წინააღმდეგ ბრძოლაში.

ახმედ იმამკულიევს მთელი საქართველო იცნობს, როგორც ქვემო ქართლის ახალი თაობის რეგიონალურ ლიდერს, ადამიანს, რომელიც საუბრობს ქართულად და არის საქართველოს პატრიოტი. ხელისუფლების ადგილობრივი წარმომადგენლები კი მივიდნენ იქამდე, რომ მას დააბრალეს ათასი გაუგონარი სისულელე-თითქოს ის მარნეულის დამოუკიდებლობისთვის იბრძვის და მსგავსი სისულეებით ცდილობენ ფონს გავიდნენ.

ახმედ იმამკულიევმა ორჯერ გაიმარჯვა მარნეულში, მაგრამ ეს გამარჯვება უსინდისოდ, ძალადობით წაართვა „ქართულმა ოცნებამ“. ზუსტად იგივე მანქანაა ამუშავებული დღესაც და ცდილობს, მას და „ევროპულ საქართველოს“ წაართვას გამარჯვება“,- განაცხადა გიგი უგულავამ.

მონიკა დავლიანიძე