პოლიტიკა

,,ქართული ოცნებისა“ და ,,ევროპული საქართველოს“ 14 შემომწირველი აუდიტის სამსახურში დაიბარეს

,,ქართული ოცნებისა“ და ,,ევროპული საქართველოს“ 14 შემომწირველს დღეს აუდიტის სამსახურში გამოკითხავენ.

მათ მიმართ კითხვები შუალედური ანგარიშის გამოქვეყნების შემდეგ გაჩნდა, რომელიც პარტიების ფინანსურ მდგომარეობას ასახავს.

აღმოჩნდა, რომ პირებს, რომლებიც დღეს გამოკითხვაზე არიან დაბარებულები ,,ქართული ოცნებისთვის“ და ,,ევროპული საქართველოსთვის“ მათ შემოსავალზე გაცილებით მეტი თანხები აქვთ ჩარიცხული.

კითხვები სწორედ თანხების წარმომავლობას უკავშირდება.

ანგარიშის მიხედვით, ივლისიდან სექტემბრამდე ,,ქართულმა ოცნებამ,“ შემოწირულობის სახით 7 მილიონზე მეტი ლარი მიიღო. ოპოზოციურ პარტიებზე კი მხოლოდ 400 ათასი ლარი გადანაწილდა.

,,ჩვენ მიერ ინფორმაციის დამუშავების საფუძველზე, რომელიც ეფუძნება ამ ფიზიკური პირების მიერ დეკლარირებულ შემოსავლებს, დამატებითი კითხვები არსებობს 14 პირის მიმართ, რომლებსაც ვთხოვთ სახელმწიფო აუდიტის სამსახურში გამოცხადებას’’, - განაცხადა პოლიტიკური პარტიების ფინანსური საქმიანობის მონიტორინგის სამსახურის უფროსმა, ზურაბ აზნაურაშვილმა.