პოლიტიკა

„ქართული ოცნების“ პოლიტიკურმა საბჭომ ერთხმად მიიღო გადაწყვეტილება პარტიის თავმჯდომარედ ბიძინა ივანიშვილის წარდგენის შესახებ - კახა კალაძე

„ქართული ოცნების“ პოლიტიკურმა საბჭომ ერთხმად მიიღო გადაწყვეტილება პარტიის თავმჯდომარედ ბიძინა ივანიშვილის წარდგენის შესახებ, – განაცხადა პოლიტსაბჭოს სხდომის შემდეგ, პარტიის გენერალურმა მდივანმა კახა კალაძემ.

მისივე თქმით, ახალი ფორმაციის პოლიტსაბჭო 15 წევრით დაკომპლექტდა და ის ყრილობაზე დამტკიცდება.

„სხდომის ფორმატში ვიმსჯელეთ პარტიის ყრილობაზე განსახილველ საკითხებზე. ცხადია, საბჭომ ერთხმად მიიღო გადაწყვეტილება პარტიის თავმჯდომარედ ბიძინა ივანიშვილის წარდგენაზე.

პოლიტიკური გაერთიანება „ქართული ოცნება დემოკრატიული საქართველოს“ პოლიტიკური საბჭოს ახალ შემადგენლობაში წარმოდგენილები იქნებიან შემდეგი კანდიდატები: „ქართული ოცნების“ დამფუძნებელი ბიძინა ივანიშვილი, საქართველოს პრემიერ - მინისტრი გიორგი კვირიკაშვილი, პარლამენტის თავმჯდომარე ირაკლი კობახიძე, პირველი ვიცე სპიკერი თამარ ჩუგოშვილი, ვიცე სპიკერი გიორგი ვოლსკი, პარლამენტის თავმჯდომარის მოადგილე ილია ნაკაშიძე, საპარლამენტო უმრავლესობის ლიდერი არჩილ თალაკვაძე, ფრაქცია „ქართული ოცნების“ თავმჯდომარე მამუკა მდინარაძე, ასევე პარლამენტის წევრები: დიმიტრი სამხარაძე, ბიძინა გეგიძე, ირაკლი ტრიპოლსკი, მთავრობის წევრები მაია ცქიტიშვილი და სოზარ სუბარი, ასევე დავით საგანელიძე და მე - კახა კალაძე“,-განაცხადა კალაძემ.

ცნობისათვის, „ქართული ოცნება-დემოკრატიული საქართველოს ყრილობა კი, 11 მაისს გაიმართება.

ნინო ექვთიმიშვილი