პოლიტიკა

„ქართული ოცნების“ ორმა კრიმინალმა აქტივისტმა უმძიმესი ჭრილობები მიაყენეს ონში გრიგოლ ვაშაძის საარჩევნო შტაბის ხელმძღვანელს - ნიკა მელია

„ერთიანი ნაციონალური მოძრაობის" პოლიტიკური საბჭოს თავმჯდომარემ, ნიკა მელიას განცხადებით, ონში გრიგოლ ვაშაძის საარჩევნო შტაბის ხელმძღვანელი ნოდარ ბურდილაძე დაჭრეს.

მელიას ინფორმაციით, ბურდილაძე "ქართული ოცნების" აქტივისტებმა დაჭრეს და მისი მდგომარეობა მძიმეა.

„გუშინ ღამის 12-ის ნახევარზე ქალაქ ონში გრიგოლ ვაშაძის საარჩევნო შტაბის ხელმძღვანელი, ნოდარ ბურდილაძე იმყოფებოდა საკუთარ საცხოვრებელ სახლში, რა დროსაც მასთან სახლში მივიდა „ქართული ოცნების" ორი აქტივისტი, კახა ისაკაძე და გია მეტრეველი, მიაყენეს სიტყვიერი შეურაცხყოფა, რაზეც ოჯახის უფროსს შესაბამისი რეაქცია ჰქონდა და „ქართული ოცნების“ ორმა კრიმინალმა აქტივისტმა უმძიმესი ჭრილობები მიაყენეს ცივი იარაღით მუცლის არეში. სამი ჭრილობა აქვს ონში გრიგოლ ვაშაძის შტაბის ხელმძღვანელს. მძიმე მდგომაროებაში გახლავთ იგი. დაზიანებული აქვს კუჭი და ელენთა და ის, ვიდრე მე ვსაუბრობ, ებრძვის სიკვდილს.

ამის შემდეგ , რაც ნოდარ ბურდილაძე - ონში გრიგოლ ვაშაძის საარჩევნო შტაბის ხელმძღვანელი უმძიმესად დაჭრეს და პრაქტიკულად გაიმეტეს სიკვდილისთვის, ვერ მოხერხდა დროზე საპატრულო პოლიციის გამოცხადება მისამართზე, ნოდარ ბურდილაძე იძულებული გახდა, საკუთარი ავტოსატრანსპორტო საშუალებით გადაადგილებულიყო ონის საავადმყოფოს მიმართულებით, რა დროსაც მან გონი დაკარგა და მაოხდინა ავტოსაგზაო შემთხვევა და შეეჯახა ე.წ. ბეტონის ჯებირს. დაახლოებით 10 წუთში, მას შემდეგ, რაც იგი მოვიდა გონს, მან რაღაცნაირად მოახერხა და საკუთარი ფეხით მივიდა ონის საავადმყოფოში, ხალხო.

და რა გაკეთდა და რა მოხდა ონის საავადმყოფოში? ეს ყველაფერი ხდება 12 საათზე. ონის საავადმყოფოში ის გააფორმეს როგორც ავტოსაგზაო შემთხვევის დროს დაზარალებული, პარალელურად, მყარდებოდა კონტაქტი „ქართული ოცნების" ონის მერთან, ემზარ კაპანაძესთან, რომელიც გახლავთ ქალაქ ონში იგივე პერსონა, რაც არის ენზელ მკოიანი ახალქალაქში. ის გახლავთ შს მინისტრის მოადგილის, კახა საბანაძის მამა. მასთან მოლაპარაკებისას , როგორც ჩანს, მათ დასჭირდათ დაახლოებით 4 საათი და 4 საათის განმავლობაში უმძიმეს მდგომარეობასი მყოფ, დაჭრილ ადამიანს არ აღმოუჩინეს შესაბამისი სამედიცინო დამხარება და მხოლოდ მას შემდეგ, რაც დარწმუნდნენ, რომ მას ვერ გაატარებდნენ იმდაგვარ პაციენტად, რომ თითქოს ის მოხვდა ავარიაში, გამოიძახეს რეანომობილი და გადაიყვანეს თერჯოლის საავადმყოფოში. ეს ყველაფერი ხდება დილის 6 საათზე“, - განაცხადა მელიამ.