პოლიტიკა

„ქართული ოცნების“ ოფისთან „ბავშვთა სამყაროში“ გაჩენილი ხანძრის შედეგად დაზარალებული მოვაჭრეები აქციას მართავენ

„ქართული ოცნების“ ცენტრალურ ოფისთან სავაჭრო ცენტრ „ბავშვთა სამყაროში“ გაჩენილი ხანძრის შედეგად დაზარალებული მოვაჭრეები აქციას მართავენ. ისინი ხელისუფლებას უყურადღებობაში ადანაშაულებენ და აცხადებენ, რომ მათი არაერთი მიმართვის მიუხედავად მათი მათხოვნები არ დაკმაყოფილდა.

შეკრებილები ითხოვენ, რომ მთავრობამ ბანკებთან უშუმდგომლოს, მოხდეს აღებული სესხების გადანაწილება და ალეტრნატიული ფართების გამოყოფა, სადაც მოვაჭრეები საქმიანობას გააგრძელებენ. ასევე აქციის მონაწილეები ითხოვენ, დაისაჯონ ხანძრის გაჩენაში დამნაშავე პირები.

შეკრებილთა ნაწილის აზრით, აღნიშნული საქმე პირადად „ქართული ოცნების“ თავმჯდომარემ, ბიძინა ივანიშვილმა უნდა შეისწავლოს.

პარალელურად უმრავლესობის ოფისთან აქციას მართავენ შვილმკვდარი მშობლებიც, რომლებიც თავიანთ საქმეებზე დროულ და ობიექტურ გამოძიებას ითხოვენ.