პოლიტიკა

“ქართული ოცნება” მერაბიშვილის გათავისუფლებას გეგმავს - გოგი წულაია

“თავისუფალი საქართველოს” იმერეთის კომიტეტის თავმჯდომარის, გოგი წულაიას განცხადებით, იუსტიციის მინისტრმა წულუკიანმა განაცხადა, რომ სახალხო დამცველი უჩა ნანუაშვილი ვანო მერაბიშვილს სტრასბურგის ევროპულ სასამართლოში მოწმედ დაუდგა.

„პირველ რიგში, უნდა აღინიშნოს, რომ ეს არის უვიცობა: მოწმედ შეიძლება გამოძახებულ იქნეს ნებისმიერი ადამიანი ნებისმიერ საქმეზე და ის ვალდებულია მისცეს ჩვენება მიუხედავად იმისა, თუ როგორია მისი პოლიტიკური სიმპატიები.

სინამდვილეში წულუკიანის ეს განცხადება ემსახურება კვალის დაფარვას: მთავრობა გეგმავს მერაბიშვილის გათავისუფლებას პატიმრობიდან და იმავდროულად სურს ეს ყველაფერი წარმოაჩინოს არა როგორც საკუთარი პოლიტიკური გადაწყვეტილება, არამედ როგორც ევროპული სასამართლოს დირექტივა.

ამ მიზნით იუსტიციის მინისტრს დავალებული აქვს წააგოს პროცესი ევროსასამართლოში.

მერაბიშვილის გათავისუფლება პატიმრობიდან არის ივანიშვილის და ბოკერიას შეთანხმების ნაწილი, რომლის ფარგლებშიც უკვე გათავისუფლდა პატიმრობიდან გიგი უგულავა“, - აცხადებს გოგი წულაია.