პოლიტიკა

„ქართული ოცნება“ გაიზიარებს „მოქალაქეთა კავშირის“ ბედს, რომელიც უბრალოდ გაქრა - არმაზ ახვლედიანი

ყოფილი დეპუტატის, არმაზ ახვლედიანის თქმით, „ქართული ოცნება“ „მოქალაქეთა კავშირის“ ბედს გაიზიარებს. მისი თქმით, მმართველი გუნდი აცდენილია რეალობას.

„მე ვფიქრობ, რომ „ქართული ოცნება“ გაიზიარებს „მოქალაქეთა კავშირის“ ბედს, რომელიც უბრალოდ გაქრა. ეს მოხდა იმიტომ, რომ ბოლომდე ვიდრე არ დაენარცხა, ვერ გაიაზრეს მაშინ და დღესაც იგივე ხდება, რომ კატასტროფა კარს მოადგა და რომ საზოგადოება მთლიანად არის გაუცხოებული. რომ ვუსმენ „ოცნების“ დეპუტატებსა და იმ თემებს, რაც მათთვის არის პრიორიტეტული, ვხვდები, რომ მთლიანად აცდენილი არიან რეალობას. ეს იმდენად სახიფათოა ქართული სახელმწიფოებრიობისთვის, რომ საზოგადოებამ უნდა შემოკრას განგაშის ზარი“, - განაცხადა ახვლედიანმა გადაცემა „360 გრადუსში“.