პოლიტიკა

„ქართული ოცნება“, დღეს, თბილისის მერობის კანდიდატს დაასახელებს

მმართველი გუნდი, დღეს პარტიის თბილისის მერობის კანდიდატს დაასახელებს.

„ქართული ოცნების“ ცენტრალურ ოფისში პოლიტიკური საბჭოს წევრები იკრიბებიან. სხდომას პრემიერ-მინისტრი გიორგი კვირიკაშვილი უხელმძღვანელებს.

როგორც მედიას, სხდომის დაწყებამდე პარლამენტის ჯანმრთელობის დაცვისა და სოციალურ საკითხთა კომიტეტის თავმჯდომარემ, აკაკი ზოიძემ განუცხადა, განსახილველ საკითხთა შორის არის, ასევე ზოგადად, ქვეყნის მასშტაბით თვითმმართველობის არჩევნებზე მზადება, საარჩევნო შტაბის შემადგენლობაზე, ხელმღვანელობასა და სტრატეგიაზე ჩამოყალიბება.

„მთავარი საკითხი იქნება თბილისის მერის კანდიდატურის წარდგენა, დამტკიცება. ამას გარდა, ზოგადად, საარჩევნო კამპანიასთან დაკავშირებით მოხდება ჩვენი სტრატეგიის ჩამოყალიბება. ჩვენ არ გვექნება მსჯელობა მხოლოდ თბილისის საარჩევნო კამპანიაზე, არამედ ზოგადად, მთლიანად საქართველოს მასშტაბით, თვითმართეველობასთან დაკავშირებით. ვიმსჯელებთ საარჩევნო კამპანიაზე, ასევე ჩამოვყალიბდებით საარჩევნო შტაბის შემადგენლობაზეც, ხელმძღვანელობაზეც და სტარტეგიაზე“,-აღნიშნა ზოიძემ.

მონიკა დავლიანიძე