პოლიტიკა

,,ქართული ოცნება’’ და ხელისუფლება მძიმე ფსიქოლოგიურ ზეწოლას ახდენდა, როგორც დამკვირვებლებზე, ასევე კომისიის წევრებზე - ირაკლი აბესაძე

ის შედეგი, რომელიც ,,ქართულმა ოცნებამ’’ მიიღო, დიდწილად განპირობებულია სხვადასხვა ტიპის უკანონო მანიპულაციით, რომელთა შორის არის საერთაშორისო ადმინისტრაციაზე და დამკვირვებლებზე უკანონო ზეწოლა, - განაცხადა ნაციონალური მოძრაობის წევრმა, ირაკლი აბესაძემ და ხელისუფლებას მოუწოდა, მეორე ტურის მიმდინარეობისას მსგავსი კანონდარღვევები აღკვეთოს.

„სხვადასხვა უკანონო მანიპულაციას შორის აშკარა იყო, რომ ,,ქართული ოცნება’’ და ხელისუფლება მძიმე ფსიქოლოგიურ ზეწოლას ახდენდა, როგორც დამკვირვებლებზე, ასევე კომისიის წევრებზე. სხვა ოპოზიციურმა პოლიტიკურმა პარტიებმა უკვე დაადასტურეს კიდეც, რომ ხშირ შემთხვევაში მოსყიდვის თუ დაშინების ფორმით მათი კომისიის წევრები იყვნენ სუბიექტურად მიკერძოებულები ,,ქართული ოცნების’’ მხარეს და ამის გამო მათ კომისიის წევრები შეცვალეს კიდეც. ასე რომ, არაფერი გასაკვირი ამაში არ არის. ის შედეგი, რომელიც ,,ქართულმა ოცნებამ’’ მიიღო, დიდწილად განპირობებულია სხვადასხვა ტიპის უკანონო მანიპულაციით, რომელთა შორის არის საერთაშორისო ადმინისტრაციაზე და დამკვირვებლებზე უკანონო ზეწოლა“- განაცხადა ირაკლი აბესაძემ.

ნინო ექვთიმიშვილი