პოლიტიკა

„ქართული ოცნება“ და „ევროპული საქართველო“ გარიგებულები არიან - ნინო ბურჯანაძე

„დემოკრატიული მოძრაობის“ ლიდერი ნინო ბურჯანაძე აცხადებს, რომ მმართველი გუნდი არჩევნების სეროზული გაყალბებისთვის ემზადება.

მისი თქმით, წინასაარჩევნოდ „ქართული ოცნება“ და „ევროპული საქართველო“ გაბნსაკუთრებულ მდგომარეობაში იმყოფებიან.

„ვხედავთ, რომ ხელისუფლება ძალიან სერიოზული გაყალბებისთვის ემზადება. ჩვენ ვხედავთ, იმ განსაკუთრებულ მდგომარეობას, რომელშიც „ქართული ოცნება“და ბატონი ბოკერიას პარტია არიან. რაც კიდევ ერთხელ გვიმყარებს ჩვენ ეჭვს, რომ ბიძინა ივანიშვილს უნდა სატელიტების და „ქართული ოცნების“ გამოყენებით ხელისუფლებაში ყოფნა მაქსიმალურად გაიხანგრძლივოს“,-განაცხადა ნინო ბურჯანაძემ.

პოლიტიკოსი დარწმუნებულია, რომ „ქართულ ოცნებასა“ და „ევროპულ საქართველოს“ შორის გარიგება არსებობს.

„დარწმუნებული ვარ, რომ გარიგება იყო საპარლამენტო არჩევნების დროს, გარიგება იყო „ნაციონალური მოძრაობის“ გაყოფა, გარიგება არის დღესაც“,-აღნიშნა ბურჯანაძემ.

დღეს, 14 პარტიის ლიდერთა საბჭომ საერთაშორისო დამკვირვებლებს წინასაარჩევნოდ გამოვლენილი დარღვევების შესახებ ინფორმაცია მიაწოდეს.

მონიკა დავლიანიძე