პოლიტიკა

ქართული მიწის გაყიდვის უფლება მიკროსაფინანსო ორგანიზაციებს ექნებათ - შალვა ნათელაშვილი

ლეიბორისტული პარტიის ლიდერის შალვა ნათელაშვილის განცხადებით, ხელისუფლებამ მოამზადა კანონპროექტი, რომლის მიხედვით, მიწების გაყიდვის უფლება ბანკებს და მიკროსაფინანსო ორგანიზაციებს ექნებათ.

ამის შესახებ ნათელაშვილმა ბრიფინგზე განაცხადა.

პოლიტკოსი მოუწოდებს პარლამენტის თითოეულ დეპუტატს ხმა არ მისცეს „დანაშაულებრივ და გამყიდველურ კანონპროექტს“.

„ხელისუფლებაში მომზადებული კანონპროექტის თანახმად, ქართული მიწების უცხოელებზე გაყიდვის უფლება ბანკებს, მიკროსაფინანსო ორგანიზაციებს და ოლიგარქთა მთავრობას ექნებათ.

მოვუწოდებ პარლამენტის თითოეულ წევრს, ვინც გაბედავს და ხმას მისცემს ამ დანაშაულებრივ, გამყიდველურ კანონპროექტს, მიცემული იქნება, თავის პატრონებიანად, სისხლის სამართლის პასუხისგებაში“,-განაცხადა შალვა ნათელაშვილმა.

მონიკა დავლიანიძე