პოლიტიკა

„ქართული მარში“ ქრისტიანობის სახელით ქრისტეს შეურაცხყოფს - მეუფე საბა (ვიდეო)

„ქრისტეს სახელითა და ქრისტიანობის სახელით ქრისტეს შეურაცხყოფენ“, - ასე გამოეხმაურა საქართველოს მართლმადიდებელი ეკლესიის ჩრდილოეთ ამერიკის ეპარქიის ეპისკოპოსი, მეუფე საბა „ქართული მარშის“ კამპანიას ფეხბურთელ გურამ კაშიას წინააღმდეგ.

მათი აგრესია გამოიწვია იმ ფაქტმა, რომ საქართველოს ნაკრების ვიცე-კაპიტანი და არნემის „ვიტესის“ კაპიტანი ერედივიზიონის ერთ-ერთ თამაშში ლგბტ დროშის სამკლაურით გამოვიდა. ამას მოჰყვა „ქართული მარშის“ აქცია და მოწოდებები კაშიას ნაკრებიდან გაშვების შესახებ.

მეუფე საბას თქმით, „ქართული მარშის“ წევრები სიძულვილის რიტორიკას ქადაგებენ.

„ვისაც ჰგონია საკუთარი თავი ნებისმიერ სხვაზე მაღლა, ის ცხონების გზაზე არ დგას. ვინც ქვების სროლას იწყებს, ჯერ საკუთარ თავს შეხედოს“, - განაცხადა მეუფემ ქადაგების დროს.