პოლიტიკა

ქალაქის ცენტრიდან რკინიგზის ხაზის გადატანის შემდეგ გათავისუფლებულ ტერიტორიაზე ცენტრალური პარკი შეიძლება მოეწყოს - გიგი უგულავა

დღეს გიგი უგულავამ დიდუბის მოსახლეობას „ევროპული საქართველოს“ თბილისის მერობის კანდიდატი ელენე ხოშტარია და დიდუბის მაჟორიტარობის კანდიდატი გიორგი წასიძე წარუდგინა.

ელენა ხოშტარიამ ამ შეხვედრაზე ქალაქის ცენტრიდან რკინიგზის ხაზის გადატანის პრეზენტაცია წარადგინა. მისი თქმით, ეს ქალაქის განტვირტვასა და ახალი სამუშაო ადგილების შექმნას შეუწყობს ხელს.

„ეს არის ათი ათასობით სამუშაო ადგილის შექმნა, სატრანსპორტო განტვირთვა, გარემოს პრობლემების მოაგვარებს,“ - განაცხადა ხოშტარიამ.

გიგი უგულავას თქმით, გათავისუფლებულ ტერიტორიაზე შესაძლებელია, ცენტრალური პარკი მოეწყოს.
„ის ტერიტორია, რომელიც გამოთავისუფლდება, იძლევა იმხელა რესურსს, რომ აქ მოეწყოს ცენტრალური პარკიც და დანარჩენი ტერიტორია განაშენიანდეს ისე და იყოს მიწის ის თავისუფალი რესურსი, რომელიც მშენებლებს აქეთ წამოიყვანს,“ - განაცხადა უგულავამ.

ანა მებურიშვილი