პოლიტიკა

პროცესებიდან გამომდინარე, ცვლილებების დრო დგება - ნუკრი ქანთარია

საპარლამენტო უმრავლესობის წევრის, ნუკრი ქანთარიას განცხადებით, პროცესებიდან გამომდინარე, ცვლილებების დრო დგება. დეპუტატს არ დაუკონკრეტებია, რა ცვლილებები იგულისხმა.

„ყურში არავის უჩურჩულებია, სამთავრობო ცვლილებებზე. ვნახოთ, რა საკითხებს განვიხილავთ. უმრავლესობაში ასეთი შეხვედრა ხშირად ტარდება, ერთ-ერთი შეხვედრა დღესაა. პროცესებიდან გამომდინარე, ცვლილებების დრო დგება, მაგრამ კონკრეტულად რომელი და რანაირად ამაზე ვერ ვისაუბრებ. ცვლილება შიგნით იქნება თუ ეს კადრების გადაადგილებას გამოიწვევს, ეს შესაძლებელი მგონია, რადგან გარკვეულ ეტაპზე, საჭიროა რაღაც განახლება. მიმდინარე პროცესებმა ბევრი რამ გააშიშვლა და ბევრი პრობლემა აჩვენა, რაც საჭიროებს გადახედვას და არა თვალის დახუჭვას”, – განაცხადა ქანთარიამ.

დეპუტატმა დაადასტურა ინფრომაცია, რომ უმრავლესობის დღევანდელ სხდომას „ქართული ოცნება-დემოკრატიული საქართველოს“ თავმჯდომარე ბიძინა ივანიშვილიც დაესწრება.

შეხვედრა „ქართული ოცნების“ ცენტრალურ ოფისში იმართება.