სამართალი

პროკურორებმა ექსპერტიზის დასკვნის გადაცემისთვის გაუთქმელობის ხელწერილი მომთხოვეს - „ბავშვთა სამყაროში“ ხანძრის შედეგად დაზარალებულების ადვოკატი

„ბავშვთა სამყაროში“ ხანძრის შედეგად დაზარალებულების ადვოკატი, ფრიდონ სიხუაშვილი ამბობს, რომ მას პროკურორებმა გაუთქმელობის ხელწერილის ჩამორთმევა მოსთხოვეს, როდესაც ის ექსპერტიზის დასკვნის გასაცნობად პროკურატურაში მივიდა.

ადვოკატის თქმით, ამის გამო მანდ დასკვნის გაცნობაზე უარი თქვა.

"როცა ქალაქის პროკურატურაში დიდუბე-ჩუღურეთიდან გადმოიგზავნა საქმე და მივედი პროკურორებთან, რომ გავცნობოდი დასკვნას, მითხრეს, რომ თუ დასკვნას გაეცნობი, ამ შემთხვევაში გაუთქმელობის ხელწერილს ჩამოგართმევთ, გამოძიების ინტერესებიდან გამომდინარეო.

მოთხოვნაზე უარი ვთქვი, რადგან საზოგადოებას და ხალხს ვერ დავუმალავდი, თუ რა ეწერა იმ დასკვნაში. იმისათვის, რომ გამოძიების ინტერესები არ შელახულიყო და დაზარალებულების საქმე დროულად დასრულებულიყო, უარი ვთქვი იმ დასკვნის გაცნობაზე, რათა შემდეგ ხელშეშლა არ ყოფილიყო გამოძიებისთვის. არცერთი ადვოკატი, ვინც ბავშვთა სამყაროს ხანძრის შედეგად დაზარალებულებს იცავს, არ გასცნობია დასკვნას,"- განაცხადა საზოგადოებრივ მაუწყებელთან საუბარში სიხუაშვილმა.