სამართალი

პროკურატურა ე.წ ციანიდის საქმეზე პირველი ინსტანციის სასამართლოს გადაწყვეტილებას სააპელაციო სასამართლოში გაასაჩივრებს

საქართველოს მთავარი პროკურატურა ე. წ. ციანიდის საქმეზე პირველი ინსტანციის სასამართლოს გადაწყვეტილებას სააპელაციო სასამართლოში გაასაჩივრებს.

როგორც მედიას მთავარი პროკურატურის საზოგადოებასთან და მასმედიასთან ურთიერთობის დეპარტამენტის უფროსმა ნათია სუხიაშვილმა განუცხადა, გასაჩივრება კვალიფიკაციის ნაწილს შეეხება.

„იმის გათვალისწინებით, რომ გიორგი მამალაძეს ბრალდება ქონდა წარდგენილი სისხლის სამართლის კოდექსის 18, 109-ე მუხლის „გ“ქვეპუნქტით გაზნრახ მკვლელობის მომზადება ანგარებით, საქართველოს პროკურატურა პირველი ინსტანციის სასამართლოს გადაწყვეტილებას კვალიფიკაციის ნაწილში, კანონოთ დადგენილ ვადაში, თბილისის სააპელაციო სასამართლოში გაასაჩივრებს“,-განმარტა სუხიაშვილმა.

თბილისის საქალაქო სასამართლომ 2017 წლის 5 სექტემბერს გიორგი მამალაძეს განზრახ მკვლელობის მომზადებასა და ცეცხლსასროლი იარაღისა და საბრძოლო მასალის მართლსაწინააღმდეგო შეძენა-შენახვაზე დამნაშავედ ცნო საქართველოს სისხლის სამართლის კოდექსის 18,108-ე მუხლითა და 236-ე მუხლის მე-2 ნაწილით და განუსაზღვრა 9 წლით თავისუფლების აღკვეთა.

გარდა ამისა, პირველი ინსტანციის სასამრთლოს გადაწვეტილების გასაჩივრებას დაცვის მხარეც მიმდინარე კვირას აპირებს.

მონიკა დავლიანიძე