პოლიტიკა

პრობლემაა ხარისხიც, ინფრასტრუქტურა , მოვუწოდებ ყველას, განათლებას პოლიტიკური ინტრიგების ინსტრუმენტად ნუ აქცევენ - შალვა პაპუაშვილი

ყველა აღიარებს გამოწვევებს, რაც უმაღლეს განათლებას აქვს. ახლა მცდელობაა დისკურსის შემოტრიალების, თითქოს ყველაფერი გამართულია და კარგად მუშაობს, – ამის შესახებ საქართველოს პარლამენტის თავმჯდომარემ, შალვა პაპუაშვილმა განაცხადა.

„ყველას მიმართ თხოვნა, მოწოდება მექნებოდა, რომ აკადემიური და განათლების საკითხების პოლიტიკურ ინსტრუმენტალიზაციას ნუ მოახდენენ. მოვუწოდებ სტუდენტებსა და აკადემიურ პერსონალს, იმ პროცესში, როდესაც გამოცხადებულია ისტორიული რეფორმა, არ აჰყვნენ ხალხს, ვისაც პირდაპირი ზიზღი აქვს აკადემიური პერსონალისა და სტუდენტების მიმართ. როგორც კი კომენტარში თავიანთ სასარგებლოს ვერ გაიგებენ, თავს ესხმიან ლექტორებს, აკადემიურ პერსონალს, სტუდენტებს. ამიტომ, ენდონ სახელმწიფოს და იმ რეფორმის მიზნებს, რომელიც გაცხადებულია. ყველა აღიარებს გამოწვევებს, რაც უმაღლეს განათლებას აქვს. ახლა მცდელობაა დისკურსის შემოტრიალების, თითქოს ყველაფერი გამართულია და კარგად მუშაობს. მაშინ რეფორმაც არ ყოფილა საჭირო. პრემიერ-მინისტრმა ის გამოწვევები წარმოადგინა, რაც უმაღლეს განათლებაში არსებობს. შვიდი მიმართულება იყო და არავის უთქვამს, რომ ეს გამოწვევა, პრობლემაა. პრობლემაა ხარისხიც, ინფრასტრუქტურა. პრობლემა თუ არის, მაშინ გადაწყვეტა სჭირდება. მოვუწოდებ ყველას, განათლებას პოლიტიკურ ინსტრუმენტად, პოლიტიკურ ინტრიგებად ნუ აქცევენ“, – განაცხადა შალვა პაპუაშვილმა.