პოლიტიკა

პრეზიდენტს ჩვენ მივახვედრეთ, როგორ უნდა მოქცეულიყო კონსტიტუციის შესაბამისად - მამუკა მდინარაძე

ფრაქცია „ქართული ოცნების“ თავმჯდომარის, მამუკა მდინარაძის შეფასებით, საქართველოს პრეზიდენტის, გიორგი მარგველაშვილის განცხადება თორნიკე რიჟვაძის კანდიდატურის წარდგენაზე დაახლოებით იგივეა, ერთი კვირის წინ რომ ეთქვა, მამუკა ბახტაძის მიერ შერჩეულ მინისტრების წარდგენაზე იფიქრებდა.

„პრეზიდენტს ჩვენ მივახვედრეთ, როგორ უნდა მოქცეულიყო კონსტიტუციის იმ ჩანაწერის შესაბამისად, რომლის მიხედვით, მან აჭარის მთავრობის ხელმძღვანელის თანამდებობაზე რიჟვაძის კანდიდატურა წარმოადგინა. ის იმეორებს, თითქოს მან შეარჩია რიჟვაძის კანდიდატურა. ეს დაახლოებით იგივეა, ერთი კვირის წინ ეთქვა, რომ იფიქრებდა, წარმოედგინა თუ არა მამუკა ბახტაძის მიერ შერჩეული მინისტრთა კაბინეტი – ასეთ კაზუსთან გვაქვს საქმე“,– თქვა დეპუტატმა.

გუშინ საქართველოს პრეზიდენტმა მთავრობის თავმჯდომარის პოსტზე თორნიკე რიჟვაძის კანდიდატურა დაასახელა.