სამართალი

პრეზიდენტმა საერთო სასამართლოების ორგანულ კანონში ცვლილებებსა და თანმდევ კანონთა პაკეტს ხელი მოაწერა

საქართველოს პრეზიდენტმა ხელი მოაწერა პარლამენტის მიერ გადმოგზავნილ საკანონმდებლო პაკეტს, რომელიც სასამართლო რეფორმის ე.წ მესამე ტალღას უკავშირდება.

პრეზიდენტის საპარლამენტო მდივნის ანა დოლიძის განცხადებით, პრეზიდენტს სურვილი აქვს, რომ სასამართლო რეფორმა დროულად დაინერგოს, დოლიძის თქმით, პრეზიდენტი ხელს აწერს ამ კანონებს და აქვეყნებს მათ.

„საქართველოს პარლამენტმა დაძლია პრეზიდენტის მოტივირებული შენიშვნები, მან კიდევ ერთხელ მიიღო რეფორმა საერთო სასამართლოებში და ეს ახალი პაკეტი გამოუშვა ხელმოსაწერად საქართველოს პრეზიდენტის ადმინისტრაციაში. პარლამენტმა მხარი არ დაუჭირა სასამართლოს დეცენტრალიზაციას, სასამართლოს მეტ დაცულობას, რაც იყო პრეზიდენტის მოტივირებულ შენიშვნებში და ეყრდნობოდა ვენეციის კომისიის პოზიციას. ეს პრობლემები და ეს საკითხები რჩება, რა თქმა უნდა, მნიშვნელოვნად და ჩვენ ვაგრძელებთ მათზე მუშაობას.

კანონთა პაკეტი მოიცავს რამდენიმე პოზიტიურ ცვლილებასაც, მათ შორის საქმეთა ელექტრონულ განაწილებას, რასაც პრეზიდენტმა ადრეც დაუჭირა მხარი“, - განაცხადა ანა დოლიძემ.