პოლიტიკა

პრეზიდენტის სურვილი, რომ მივიდეს მთავრობის სხდომაზე, არაა სერიოზული, რადგან პრეზიდენტს არავინ არ შეუშვებს მთავრობაში - რომან გოცირიძე

„ნაციონალური მოძრაობის“ ერთ-ერთი ლიდერის, რომან გოცირიძის განცხადებით, პრეზიდენტის სურვილის მიუხედავად, მას მთავრობის სხდომაზე არ შეუშვებენ.

დეპუტატის თქმით, ქვეყანაში მიმდინარე ამბებზე სალაპარაკოდ პრეზიდენტმა უშიშროების საბჭოს სხდომა უნდა მიიწვიოს.

„პრეზიდენტის სურვილი, რომ მივიდეს მთავრობის სხდომაზე, არ არის სერიოზული, რადგან პრეზიდენტს არავინ არ შეუშვებს მთავრობაში, ცხვირწინ კარს მიუხურავენ.

პრეზიდენტმა უნდა მოიწვიოს უშიშროების საბჭო, ვინაიდან ეს საკითხები უკვე ეხება ქვეყნის სტაბილურობას. ჩვენ ვხედავთ, რომ ქვეყანაში არ არსებობს კონსტიტუცია, მოხდა ძალაუფლების მიტაცება, კონსტიტუციისა და კანონებს გარეთ მდგომი ადამიანების მიერ ქვეყანა იმართება არაფორმალური კრიმინალური წესით, რომელიც ქვეყნის დემოკრატიულ განვითარებას საფრთხეს უქმნის“,- განაცხადა გოცირიძემ.

საქართველოს პრეზიდენტმა გიორგი მარგველაშვილმა პრემიერ-მინისტრ მამუკა ბახტაძეს მთავრობის სხდომის მოწვევის ინიციატივით მიმართა. პრეზიდენტის თქმით, ის სხდომაზე დასწრებას აპირებს, სადაც დააყენებს სახელმწიფო ინსიტუტების ეფექტური ფუნქციონირების, ასევე მოქალაქეთა უფლებებისა და თავისუფლებების დაცვის საკითხებს.