პოლიტიკა

პრეზიდენტი რაც უფრო მეტ უხეშ და უზრდელურ განცხადებას გააკეთებს, უფრო მეტ ყურადღებას მიიქცევს - გია ვოლსკი

პარლამენტის ვიცე-სპიკერის, გია ვოლსკის შეფასებით, პრეზიდენტი გიორგი მარგველაშვილი თავისი განცხადებებით ყურადღების მიქცევას ცდილობს.

„გამოდის, რომ მთელი სახელმწიფო თუ მსოფლიო არა, იმას ელოდება, მარგველაშვილი რას გააკეთებს. წინასაარჩევნოდ ასეთი განცხადებების კეთება სერიოზული პრობლემაა. მსგავსი განცხადებები სტაბილურობისთვის, სახელმწიფოსა და პრეზიდენტის იმიჯისთვის დამაზიანებელია. მისი არცერთი სიტყვა სიმართლესთან ახლოს არ არის. პრეზიდენტი რაც უფრო მეტ უხეშ და უზრდელურ განცხადებას გააკეთებს, უფრო მეტი ყურადღებას მიიქცევს”, – განაცხადა ვოლსკიმ.

გუშინ სამოქალაქო საზოგაოდებასთან შეხვედრაზე საქართველოს პრეზიდენტმა კითხვაზე, იქნება თუ არა საპრეზიდენტო კანდიდატი, განაცხადა, რომ პასუხის არგაცემით სამსახურს გაუწევს პოლიტიკურ ელიტას, როგორც მმართველ „ქართულ ოცნებას“, ასევე ოპოზიციას.

მარგველაშვილმა თქვა, რომ აღნიშნულ კითხვაზე დადებითი პასუხის შემთხვევაში „ქართული ოცნება“ უფრო ძლიერ კანდიდატს წარადგენს, ხოლო უარყოფითი პასუხისას - უფრო სუსტს.