პოლიტიკა

პრეზიდენტი ითხოვს, „მოსმენების კანონის“ ის მუხლები გაუქმდეს, რომლებიც არ შეესაბამება საქართველოს საკონსტიტუციო სასამართლოს გადაწყვეტილებას - ანა დოლიძე

საქართველოს პრეზიდენტის საპარლამენტო მდივნის, ანა დოლიძის განცხადებით, გიორგი მარგველაშვილი საკონსტიტუციო სასამართლოს მიმართავს მეგობრის სტატუსით „მოსმენების კანონთან“ დაკავშირებით.

დოლიძის თქმით, პრეზიდენტი მოითხოვს, კანონის ის მუხლები გაუქმდეს, რომლებიც არ შეესაბამება საქართველოს კონსტიტუციასა და საკონსტიტუციო სასამრთლოს გადაწყვეტილებას.

„შესაბამისად, პრეზიდენტი საკონსტიტუციო სასამართლოს მიმართავს სასამართლოს მეგობრის სტატუსით, რათა გაუქმდეს მოსმენების კანონში მუხლები, რომლებიც შეუსაბამოა საქართველოს კონსტიტუციასთან და საქართველოს საკონსტიტუციო სასამართლოს გადაწყვეტილებასთან“, - განაცხადა დოლიძემ.

დოლიძის თქმით, პრეზიდენტს არაერთხელ გამოუყენებია ვეტო ამ კანონპროექტზე. გიორგი მარგველაშვილის აზრით, შეთავაზებული კანონი ვერ უზრუნველყოფს დამოუკიდებელი სტრუქტურის ფორმირებას, რომელიც განახორციელებდა მოსმენებს - ფარულ საგამოძიებო მოქმედებებს.

ანა მებურიშვილი