პოლიტიკა
პრემიერის ვიზიტის ფარგლებში განიხილება ყველა ის საკითხი, რომელიც საქართველო-აშშ-ს სტრატეგიულ ხასიათს განაპირობებს - დავით ბაქრაძე
პრემიერის ვიზიტის ფარგლებში განიხილება ყველა ის საკითხი, რომელიც საქართველო-ამერიკის შეერთებული შტატების სტრატეგიულ ხასიათს განაპირობებს, - განაცხადა აშშ-ში საქართველოს ელჩმა დავით ბაქრაძემ პრემიერ-მინისტრის გიორგი კვირიკაშვილის აშშ-ში დაგეგმილ ვიზიტზე საუბრისას.
მისი თქმით, მაღალი დონის შეხვედრებზე საუბარი იქნება ევროატლანტიკური ინტეგრაციის პროცესზე, ოკუპირებულ რეგიონებში არსებულ ვითარებასა და აშშ-ს მხარდაჭერაზე დეოკუპაციისა და არაღიარების პოლიტიკაში.
„მჭიდრო თანამშრომლობა ამერიკის შეერთებულ შტატებსა და საქართველოს შორის გრძელდება ძალიან მნიშვნელოვანი ღონისძიებით. სახელმწიფო მდივნის პოზიციაზე დამტკიცებიდან რამდენიმე კვირაში ამერიკის სახელმწიფო მდივანი მაიკ პომპეო უხელმძღვანელებს სტრატეგიული პარტნიორობის ქარტიის შეხვედრას, რომელსაც საქართველოს მხრიდან წარუძღვება პრემიერ-მინისტრი გიორგი კვირიკაშვილი.
ჩვენ განვიხილავთ ორმხრივი თანამშრომლობის ყველა მიმართულებას. იგეგმება შეხვედრები აღმასრულებელი და საკანონმდებლო ხელისუფლების წარმომადგენლებთან. ჩვენ აღვნიშნავთ საქართვლოს დემოკრატიული რესპუბლიკის დაარსების 100 წლისთავს, რომლის ფარგლებშიც უკვე მეორედ გაიმართება სტრატეგიული თანამშრომლობის კონფერენცია, რომელსაც ასევე გახსნის საქართველოს პრემიერ-მინისტრი. ვიზიტის ფარგლებში განიხილება ყველა ის საკითხი, რომელიც საქართველო-ამერიკის შეერთებული შტატების სტრატეგიულ ხასიათს განაპირობებს, ეს არის თავდაცვა და უსაფრთხოება, ეკონომიკური თანამშრომლობის საკითხები, რა თქმა უნდა, საუბარი შეეხება საქართველოს ევროატლანტიკური ინტეგრაციის პროცესს, ოკუპირებულ რეგიონებში არსებულ ვითარებას და აშშ-ს მხარდაჭერას დეოკუპაციისა და არაღიარების პოლიტიკაში“, - განაცხადა დავით ბაქრაძემ.
ცნობისათვის, საქართველოს პრემიერ-მინისტრი გიორგი კვირიკაშვილი 21-23 მაისს სამუშაო ვიზიტით ამერიკის შეერთებულ შტატებს ეწვევა.
საქართველოს მთავრობის ადმინისტრაციის ინფორმაციით, მთავრობის მეთაური, შეერთებული შტატების სახელმწიფო მდივან მაიკ პომპეოსთან ერთად, საქართველო-აშშ-ის სტრატეგიული პარტნიორობის კომისიის პლენარულ სხდომას გახსნის.
ნინო ექვთიმიშვილი
საკვანძო სიტყვები:
საქართველოში დღეს გვყავს პროტესტში მყოფი ადამიანთა ჯგუფი, რომლებსაც, დიახ, წაართვეს ქართველობა - შალვა პაპუაშვილი
24 მარტი, 2026 , 13:04
ვუკრძალავ ნებისმიერ ადამიანს ჩემს თავისუფლებასა და პატიმრობაზე რაიმე სახის დიალოგს, მოლაპარაკებას, სიტყვის წარმოთქმასაც კი, გასაკვირია, რომ ეს პოზიცია ქვეყნის გარეთ უფრო კარგად გაიგეს - ელენე ხოშტარია
17 მარტი, 2026 , 15:20
ჩვენ დიდი ხანია, ვსაუბრობთ, რომ ბოლო წლებში ასეულობით მილიონი დაიხარჯა ქვეყანაში მოღალატეობრივი ქსელის შესაქმნელად - კახა კალაძე
17 მარტი, 2026 , 13:18
უნდა შეწყდეს ბრიუსელიდან და ევროკავშირის სხვა დედაქალაქებიდან მომდინარე დეზინფორმაცია, პარტნიორობა შეუძლებელია იქ, სადაც, სიმართლის ნაცვლად, პოლიტიკური ნარატივები დომინირებს - შალვა პაპუაშვილი
17 მარტი, 2026 , 13:15
ბიძინა ივანიშვილი არის მმართველი გუნდის საპატიო თავმჯდომარე და ბუნებრივია, ჩვენ ყველა ერთად ვინაწილებთ პასუხისმგებლობას - ირაკლი კობახიძე
17 მარტი, 2026 , 09:21
ერთი ფაქტი მოგვაწოდეთ, სადაც იყო კორუფციული გადაცდომა, თუ არ გვექნება ეფექტური რეაგირება, მერე ვილაპარაკოთ - ირაკლი კობახიძე
17 მარტი, 2026 , 09:14
