პოლიტიკა

პრემიერ-მინისტრი უნდა გადადგეს - ხატია დეკანოიძე

„ერთიანი ნაციონალური მოძრაობის“ წევრმა, ხატია დეკანოიძემ მოუწოდა გიორგი კვირიკაშვილს, გადადგეს რუსეთისადმი გაგაზავნილი მიმართვის გამო.

„მე მინდა, პირდაპირ ვუთხრა საქართველოს პრემიერ-მინისტრს, რომ ის უნდა გადადგეს, როგორც საქართველოს სამარცხვინო პრემიერ-მინისტრი, გადადგეს იმიტომ, რომ თითოეული ქართველი ბატონ გიორგისთან და ქალბატონ რუსუდანთან ერთად არის შეურაცხყოფილი იმ განცხადებით, რომელიც გავრცელდა გუშინ და ეს არის კეკლუცობისა და კუდის ქიცინის განცხადება რუსეთის ფედერაციის წინაშე.

იმ ფონზე, როდესაც ცხედარს არ გვაძლევენ და ცინიკურ შეფასებებს აკეთებს რუსეთის ფედერაციის ხელისუფლება და სეპარატისტული ხელისუფლება, ამ ფონზე კვირიკაშვილს არ აქვს უფლება, იყოს საქართველოს უმაღლესი თანამდებობის პირი“, - განაცხადა დეკანოიძემ, რომელმაც ენმ-ის სხვა წევრებთან ერთად ცხინვალის რეგიონში დაღუპული არჩილ ტატუნაშვილის ოჯახი მოინახულა