პოლიტიკა

„პოროშენკოს წერილების“ გამო ნიკა გვარამია უკრაინული საიტ „Миротворец“-ის ბაზაში შეიყვანეს

„რუსთავი 2“-ის გენერალური დირექტორი ნიკა გვარამია უკრაინული საიტ „Миротворец“-ის ბაზაში შეიყვანეს. ამის მიზეზი გახდა „რუსთავი 2“-ის მიერ გაშვებული სიუჟეტი რუსეთის სპეცსამსახურებისთვის პოროშენკოს მიერ გაგზავნილი წერილების შესახებ.

„საიტის“ განმარტებით, გვარამია შეყვანილია ნუსხაში იმ ინფორმაციულ-ფსიქოლოგიურ ოპერაციებში მონაწილეობის გამო, რომლებიც იყო მიმართული უკრაინის სახელმწიფო ინსტიტუტების წინააღმდეგ. „Миротворец“-მა აღნიშნა, რომ მასალა ყალბ ინფორმაციას შეიცავდა და წარმოადგენდა მანიპულაციას.

„რუსთავი 2“-მა გაასაჯაროვა რუსეთის უშიშროების ფედერალური სამსახურისადმი უკრაინის პრეზიდენტის ე.წ. საიდუმლო წერილები, რომლებიც დათარიღებულია 2007 წლის თებერვლით. არხის მტკიცებით, მიმართვაში პოროშენკომ პირობა დადო, რომ რუსეთის საწინააღმდეგო მოქმედებებს არ ჩაიდენს. მაშინ ის სახალხო დეპუტატი იყო და ის არ შეუშვეს რუსეთის ტერიტორიაზე.

„რუსთავი 2“-ის განცხადებით, პოროშენკო რუსული სპეცსამსახურებისთვის გაგზავნილ წერილში უარყოფდა, რომ კავშირი ჰქონდა „იუშენკოს ანტირუსულ კამპანიასთან“, შესაბამისად ამტკიცებდა, რომ მისი არშეშვება რუსეთში არასწორი იყო.

ქართული ტელეარხის მასალაზე საპასუხოდ უკრაინის პრეზიდენტის ადმინისტრაციამ განცხადება გააკეთა, რომელშიც რუსთავი 2-ის სიუჟეტი „რუსეთის სპეცსამსახურების მიერ შემოგდებული დაბალი ხარისხის სიყალბე“ უწოდა.

საიტი „Миротворец“-ი საკუთარ თავს პოზიციონერობს, როგორც უკრაინის ეროვნული უსაფრთხოების წინააღმდეგ დანაშაულებების კვლევის ცენტრი. მის ბაზაში არის ადამიანების შესახებ ინფორმაცია, მათ შორის კონფედენციალური ხასიათის. საიტი აცხადებს, რომ მის ბაზაში უკრაინის მტრები, კრემლის აგენტები და სეპატარისტები არიან.